site stats
बाह्रखरी :: Baahrakhari
खेल
Global Ime bankGlobal Ime bank
शीर्ष स्थानको एट्लेटिकोलाई पछ्याउँदै रियाल

काठमाडौं । स्पेनिस ला लिगामा रियाल मड्रिडले सेभियाविरुद्ध ४–२ को जित निकालेको छ । आइतबार राति घरेलु मैदान सान्टियागो बर्नबेउमा रियाललाई जित दिलाउन किलियन एमबाप्पे, फेडेरिको भाल्भार्डे, रोड्रिगो र ब्राहिम डियाजले गोल गरे । सेभियाका इसाक रोमेरो र डोडी लुकबाकियोले गोल फर्काए ।

खेलको १०औँ मिनेटमा एमबाप्पेको गोलमा रियालले अग्रता बनाएको थियो । २०औँ मिनेटमा भाल्भार्डेले घरेलु टिमको अग्रता दोब्बर बनाए । ३४औँ मिनेटमा रोड्रिगोले गोल गरेपछि रियालले ३–० को अग्रता बनाएको थियो । ३५औँ मिनेटमा रोमेरोले गोल फर्काएपछि पहिलो हाफ ३–१ को स्थितिमा सकिएको थियो ।

५३औँ मिनेटमा डियाजले गोल गर्दै रियालको अग्रतालाई ४–१ मा राखे । खेलको निर्धारित समय सकिन पाँच मिनेट बाँकी रहँदा लुकबाकियोले गोल फर्काए पनि सेभियाको हार टार्न सकेनन् ।

ला लिगाको शीर्ष स्थानका निम्ति एट्लेटिको मड्रिडलाई पछ्याइरहेको रियालले जितसँगै १८ खेलबाट ४० अंक जोडेको छ । शीर्ष स्थानको एट्लेटिकोको समान खेलबाट ४१ अंक छ । गएको शनिबार राति एट्लेटिको मड्रिडले बार्सिलोनालाई २–१ ले हराएको थियो ।

समान खेलबाट २२ अंकको सेभिया तालिकाको १४औँ स्थानमा छ । जारी सिजनमा सेभियाको यो आठौँ हार हो ।

प्रकाशित मिति: सोमबार, पुस ८, २०८१  ०९:४६
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
गुरुहरूको गरिमा नगुमोस् !
गुरुहरूको गरिमा नगुमोस् !
Hamro patroHamro patro