site stats
बाह्रखरी :: Baahrakhari
खेल
Global Ime bankGlobal Ime bank
सन्दीप भन्छन्– जित लेखेको छैन भने तन्त्रमन्त्र जे गरे पनि केही हुँदैन
फाइल तस्बिर ।

काठमाडौं । नेपाल प्रिमियर लिग (एनपीएल)मा विराटनगर किंग्सको कप्तानी सम्हालिरहेका सन्दीप लामिछानेले भाग्यमा नभए जे गरे पनि जित निकाल्न नसकिने बताएका छन् ।

सन्दीपको टोली विराटनगरले बिहीबारको पहिलो खेलमा पोखरा एभेन्जर्सविरुद्ध सुपर ओभरमा हार बेहोरेको थियो । खेलमा टस जितेर ब्याटिङमा आएको विराटनगरले निर्धारित २० ओभरमा सात विकेट गुमाएर १३९ रनको योगफल खडा गरेको थियो ।

१४० रनको विजयी लक्ष्यसहित मैदान उत्रिएको पोखराले २० ओभरमा ६ विकेट गुमाएर १३९ रन नै बनाएपछि खेल सुपर ओभरमा पुगेको थियो । सुपर ओभरमा भने विराटनगर १३ रनले पराजित भएको थियो । हारपछि सन्दीपले हुने कुरालाई टार्न नसकिने बताएका हुन् । “सुपर ओभरमा पुगेर हारियो । हुने कुरालाई टार्न सकिन्न । हारका बाबजुद टिमको प्रदर्शनप्रति सन्तुष्ट छु । अझै पनि हामी सबैजनालाई एकअर्कामा विश्वास छ,” हारपछि सन्दीपले भने, “राम्रो खेल्दाखेल्दै पनि जित आउँदैन कहिलेकाही । तर, हामी एकअर्कामा इमान्दार भएर बस्नुपर्छ । जित लेखेकै छैन भने, तन्त्रमन्त्र जे गर्दा पनि त्यो आउदैन ।”

हारसँगै पाँच खेलबाट दुई अंक मात्र जोडेको विराटनगर तालिकाको पुछारमा छ । विराटनगरविरुद्ध जित निकालेको पोखरा भने पाँच खेलबाट चार अंकसहित तालिकाको छैटौँ स्थानमा छ ।

 

प्रकाशित मिति: बिहीबार, मंसिर २७, २०८१  १९:३८
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
गुरुहरूको गरिमा नगुमोस् !
गुरुहरूको गरिमा नगुमोस् !
Hamro patroHamro patro