काठमाडौं । आईसीसी विश्वकप लिग–२ मा शनिबार नेपाल नौ विकेटले विजयी भयो । नेपालले नेदरल्यान्ड्सलाई सजिलै पराजित गरेको हो ।

डच टोली ३९औँ ओभरमा १३७ रनमै समेटिएको थियो । कीर्तिपुरस्थित त्रिवि क्रिकेट मैदानमा नेपालले १५.२ ओभरमा मात्र एक विकेटको क्षतिमा लक्ष्य पूरा गर्‍यो ।

गएको बिहीबार नेपाल नामिबियासँग चार विकेटको पराजित भएको थियो । लिग–२ अन्तर्गत नेपालले आउँदो बुधबार नामिबियासँग तेस्रो खेल खेल्ने तालिका छ ।

नेपाल र नेदरल्यान्ड्सबीचको खेल हेर्न ठूलो संख्यामा समर्थक कीर्तिपुर पुगेका थिए । कतिपय दर्शकले नेपालको राष्ट्रिय झन्डा समेत बोकेका थिए ।

थप तस्बिर हेर्नोस्–