काठमाडौं । नेपाल क्रिकेट संघ (क्यान)ले यू–१९ एसिया कपमा छनोट हुन सफल टिमलाई नगदबाट सम्मान गर्ने निर्णय गरेको छ ।

आज बसेको संघको केन्द्रीय कार्य समितिको बैठकले पुरुषतर्फ एसीसी यू–१९ प्रिमियर कपबाट सन् २०२४ मा हुने यू–१९ एसिया कपमा छनोट भएको टिमलाई नगदबाट सम्मान गर्ने निर्णय गरेको हो ।

क्यानका अनुसार यू–१९ टिमका खेलाडीले जनही ५० हजार रुपैयाँ पाउने छन् ।

क्यानले सन् २०२४ मा वेस्टइन्डिज र अमेरिकामा हुने टी–२० विश्वकपमा छनोट हुन सफल टिमलाई ५० लाख रुपैयाँ नगदबाट सम्मान गर्ने निर्णय पनि गरेको छ ।