काठमाडौं । आज देशभर माघे संक्रान्तिको रौनक चलिरहेका वेला काठमाडौंको टुँडिखेलमा पनि थारू समुदाय र मगर समुदायले माघी र मकर सक्राती पर्व हर्षोल्लासका साथ मनाएका छन् ।

माघ १ गते हरेक वर्ष माघे संक्रान्तिको अवसरमा थारू समुदाय र मगर समुदायले टुँडिखेलमा हर्षोल्लासका साथ यो पर्वलाई मनाउने गरेका छन् ।

टुँडिखेलमा मगर समुदायले आ–आफ्नो भेषभूषा कला संस्कृति झल्किने पहिरन लगाएका थिए भने थारू समुदायले पनि आफ्नो समुदायले लगाउने पहिरन, गरगहनामा सजिएर आएका थिए ।

टुँडिखेलमा उल्लासका साथ मनाइएको राष्ट्रिय पर्वमा थारू समुदाय र मगर समुदायका विभिन्न परिकार पनि बेच्न राखिएको थियो । थारू समुदाय र मगर समुदायकाले समूहमा नाचगान गर्नुका साथै विभिन्न किसिमका खेलकुदका कार्यक्रम पनि आयोजना गरेका थिए ।

थारू समुदाय र मगर समुदायले माघ महिनाभर यो पर्व मनाउने गर्दछन् । आफन्त भेटघाट र खानपिन गरेर उनीहरू वर्षभरिको कामको थकाइ मेटाउने गर्छन् ।