काठमाडौं । रौतहटको ईशनाथ नगरपालिका–७ को वडाध्यक्षमा नेपाली कांग्रेसका शेख अब्दुल खलिक निर्वाचित भएका छन् । आइतबार भएको उपनिर्वाचनमा नेकपा (एमाले)का शेख अनवारलाई हराउँदै उनी निर्वाचित भएका हुन् ।

विजयी भएका खलिकले ६२७ मत पाउँदा उनका निकटतम प्रतिद्वन्द्वी एमालेका अनवारले ५७५ मत पाए ।

यस्तै, नेकपा (एकीकृत समाजवादी)का सदरे आलमले ४५२ मत पाए । जनमत पार्टीका शेख जमिरुल हकले १३५ मत पाए । नेकपा (माओवादी केन्द्र)का शेख अमिरुलले २४ मत पाए ।