site stats
बाह्रखरी :: Baahrakhari
साहित्य
Global Ime bankGlobal Ime bank
चक्रपाणि स्मरण पुरस्कार डा. भट्टराईलाई 

काठमाडौं । यो वर्षको ‘चक्रपाणि स्मरण पुरस्कार’ प्रा. डा. गोविन्दराज भट्टराईलाई प्रदान गरिएको छ । चक्रपाणि चालिसेको १४२औँ जन्मजयन्तीका अवसरमा चक्रपाणि स्मारक प्रतिष्ठानद्वारा आयोजित कार्यक्रममा डा. भट्टराईलाई उक्त पुरस्कार प्रदान गरिएको हो ।

डा. भट्टराईलाई डा. द्वारिकानाथ ढुंगेलले नगद राशि २० हजार रुपैयाँसहितको पुरस्कार प्रदान गरेका थिए ।

त्यस अवसरमा ३० उत्कृष्ट कथा समेटिएको ‘चक्रपाणि’ वार्षिक साहित्यिक पत्रिकाको कथा विशेषांक पनि सार्वजनिक गरिएको थियो । राष्ट्रव्यापी कथा प्रतियोगिता आयोजना गरी संकलित ६६ मध्ये उत्कृष्ट ३० कथालाई उक्त पत्रिकामा प्रकाशित गरिएको कार्यकारी सम्पादक तथा प्रतिष्ठानका सदस्यसचिव रामगोपाल आशुतोषले बताए ।

केही समयअघि सम्पन्न प्रतियोगितामा जाजरकोटका शिवराज शाहीको कथा ‘सन्तानको फोटो’ पहिलो, भक्तपुरका मनीषकुमार शर्मा समितको ‘मैले नभित्र्याएकी बुहारी’ दोस्रो र धादिङका रूपक अलंकारको कथा ‘बंगाली बाबा’ तेस्रो भएको र प्रकाश नेपाली र अनिता पन्थीका कथाहरूले गुणवत्ता पुरस्कार प्राप्त गरेको कवि आशुतोषले जानकारी दिए ।

पहिलो, दोस्रो र तेस्रो कथाका रचनाकारलाई क्रमशः ३० हजार, २० हजार  र १० हजार रुपैयाँ प्रदान गरिएको थियो । गुणवत्ता पुरस्कार पाउने कथाकारलाई पाँच/पाँच हजार रुपैयाँ प्रदान गरिएको उनले जानकारी दिए । 

प्रकाशित मिति: सोमबार, कात्तिक २६, २०८१  ०८:५९
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
गुरुहरूको गरिमा नगुमोस् !
गुरुहरूको गरिमा नगुमोस् !
Hamro patroHamro patro