site stats
बाह्रखरी :: Baahrakhari
राजनीति
Global Ime bankGlobal Ime bank
अखिल क्रान्तिकारीमा उमेरहद राख्ने/नराख्ने भन्नेमा चुनाव हुने 

काठमाडौं । नेकपा (माओवादी केन्द्र)को विद्यार्थी संगठन अनेरास्ववियु (क्रान्तिकारी)मा उमेरहदबारे मतदान हुने भएको छ । उमेरहद राख्ने/नराख्ने भन्नेमा राष्ट्रिय सम्मेलनका प्रतिनिधि विभाजित भएपछि निर्वाचनको तयारी गरिएको हो ।

उमेरहदबारे एकमत नहुँदा सोमबार बिहान अध्यक्ष पुष्पकमल दाहाल ‘प्रचण्ड’को उपस्थितिमा उनको निवास खुमलटारमा अनेरास्ववियु (क्रान्तिकारी)को कार्यालय बैठक बसेको थियो ।

प्रतिनिधिलाई आफ्नो मत राख्ने अधिकार दिन निर्वाचन गरिने उपाध्यक्ष इन्द्र भुसालले जानकारी दिए । “हललाई स्वतन्त्र छोड्दै मत लिने निर्णय भएको छ । उमेरहद राख्ने कि नराख्नेमा निर्वाचन हुने भयो । उमेरहद राख्ने भन्ने भयो भने त्यसको अप्सनमा २८, ३०, ३२ वर्ष राखिनेछ,” उनले बाह्रखरीसित भने ।

निर्वाचनको तयारी गरिएको पनि उनले बताए । उमेरहद लागु भएमा नेतृत्वका धेरै आंकाक्षी बिदा हुने सम्भावना छ ।

प्रकाशित मिति: सोमबार, असोज १४, २०८१  ११:४०
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
गुरुहरूको गरिमा नगुमोस् !
गुरुहरूको गरिमा नगुमोस् !
Hamro patroHamro patro