काठमाडौं । सहकारी संस्थाको बचत रकम दुरुपयोग सम्बन्धमा संसदीय छानबिन विशेष समितिको पहिलो बैठक आज बस्ने भएको छ । 

बैठक दिउँसो २ बजेका लागि बोलाइएको छ । बैठकमा सभामुख देवराज घिमिरेको पनि उपस्थिति रहने बुझिएको छ । बैठक संसद् भवन बानेश्वरस्थित शंकर हलमा बस्ने बताइएको छ ।

गएको जेठ १५ गते सहकारी बचतमा देखिएको अपचलनको छानबिन गर्न भन्दै प्रतिनिधिसभा बैठकले सात सदस्यीय छानबिन समिति बनाएको हो । समितिले तीन महिनाभित्र प्रतिवेदन बुझाउनुपर्ने समय तोकिएको छ ।

• किन सुरु भएन बहुचर्चित सहकारी ठगीसम्बन्धी संसदीय समितिको छानबिन ?