काठमाडौं । जनमत पार्टीले लुम्बिनी प्रदेशको सीमांकन तथा नामांकन परिवर्तन गराउन नेतृत्व गर्ने निर्णय गरेको छ ।

शनिबार र आइतबार पर्साको वीरगन्जमा पार्टी अध्यक्ष सीके राउतको अध्यक्षतामा बसेको पार्टीको केन्द्रीय समितिको बैठकले मधेस–थरुहट आन्दोलनको मर्मबमोजिम  लुम्बिनी प्रदेशको सीमांकन तथा नामांकन परिवर्तन गराउन नेतृत्व गर्ने निर्णय गरेको हो ।

बैठकले प्रदेशहरूलाई अधिकार सम्पन्न र प्रभावकारी बनाउन आवश्यक ऐन कानन चाँडै निर्माण गराउन पहल गर्ने निर्णय गरेको छ ।