site stats
बाह्रखरी :: Baahrakhari
राजनीति
Global Ime bankGlobal Ime bank
नेपाल–भारतबीच भएका सम्झौताबारे पार्टीसँग छलफल नगरेकोमा एमालेको आपत्ति

काठमाडौं । नेकपा (एमाले)ले भारतीय विदेशमन्त्री एस जयशंकरको नेपाल भ्रमणका क्रममा भएका सम्झौताबारे पार्टीसँग कुनै छलफल नगरेकोमा आपत्ति जनाएको छ । 

आजको सचिवालय बैठकपछि महासचिव शंकर पोखरेलले भेटमा भएको सम्झौता जानकारी गराउनुपर्ने बताए । 

“के–के विषयहरूमा सम्झौता भए भन्ने कुरा सत्ता पक्षले प्रतिपक्षसँग परामर्श गर्नुपर्ने हो तर, नगरेकोप्रति बैठकले गम्भीर चिन्ता प्रकट गरेको छ । राष्ट्रियताको प्रश्नमा सत्तापक्षले चाहिँ प्रतिपक्षलाई विश्वासमा लिएर मात्रै कामहरू गर्नुपर्नेमा त्यो मामिलामा हामीसँग कुनै परामर्श नगरिएको र के के विषयमा सहमति, सम्झौता भए भन्ने कुरा पनि स्पष्ट नपारेको सन्दर्भमा हामीले सरकारका तर्फबाट भएका कमजोरीको आलोचना गर्दै के के विषयहरूमा सहमति, सम्झौता भएका छन् । ती विषयहरूलाई स्पष्ट पार्न माग गर्ने कुरा गरेका छौँ,” उनले भने । 

उनले नेपालको बजेटरी प्रणालीलाई कमजोर पार्ने हिसाबले कुनै काम गर्न नहुने बताए । भारतीय विदेशमन्त्री नेपाल भ्रमण गरेर आजै फर्किएका छन् ।
 

प्रकाशित मिति: शुक्रबार, पुस २०, २०८०  १८:२४
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
गुरुहरूको गरिमा नगुमोस् !
गुरुहरूको गरिमा नगुमोस् !
Hamro patroHamro patro