काठमाडौं । मेडिकल व्यवसायी दुर्गा प्रसाईंको नेतृत्वमा आज काठमाडौंको बल्खुमा प्रदर्शन गरिँदै छ । बिहान साढे १० बजे प्रस्थान समय राखिएको प्रदर्शनमा विभिन्न सात रुटबाट बल्खु पुग्ने तय छ ।

‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ नाम दिइएको आन्दोलनमा भक्तपुर क्षेत्रका निम्ति साँगा नाका छिर्ने खुला चौर, भक्तपुरको तीनकुने र परीक्षा नियन्त्रण कार्यालय सानोठिमीमा भेला भएर जाने तय गरेको छ ।

यस्तै, दोस्रो रुट भनिएको महाराजगन्ज र गोंगबु चोक, स्वयम्भू, कलंकी, पाटन, सातदोबाटो, कीर्तिपुर, चाबेल गरी सात रुटबाट ¥यालीसहित बल्खु पुग्ने गरी रुट सार्वजनिक गरिएको छ ।

नेकपा (एमाले)को युवा संगठन राष्ट्रिय युवा संघले पनि आजै काठमाडौंको तीनकुनेमा प्रदर्शनको आयोजना गरेको छ ।