काठमाडौं । नेपाली कांग्रेसका नेता शेखर कोइरालाले टिकटक प्रयोगमा रोक लगाउने सरकारको निर्णयको आलोचना गरेका छन् । उनले तत्काल निर्णय फिर्ता लिनसमेत आग्रह गरेका छन् । 

"व्यक्तिगत स्वतन्त्रता कुण्ठित गर्ने गरी टिकटक बन्द गर्ने निर्णय सरकारबाट हुनु खेदजनक छ । यो निर्णय तत्काल फिर्ता लिई लोकतान्त्रिक बन्न सरकारलाई आग्रह गर्दछु," कोइरालाले ट्विटरमा भनेका छन् ।

उनले विगतमा पनि सरकारले निरंकुश बन्ने प्रयास गर्दा जनताको प्रतिकार र अदालतका आदेशहरू आएको बताएका छन् । 

सरकारले आजमात्र टिकटक प्रयोगमा प्रतिबन्ध लगाउने निर्णय गरेको छ ।