काठमाडौं । जनता समाजवादी पार्टी (जसपा) नेपालले सञ्जिलाकुमारी यादवलाई मधेस प्रदेशसभाका समानुपातिक सांसद बनाउने निर्णय गरेको छ ।

पार्टी कार्यालय बालकुमारीमा सोमबार बसेको केन्द्रीय कार्यकारिणी समितिको बैठकले यादवलाई मधेस प्रदेशसभाका समानुपातिक सांसद चयन गर्ने निर्णय गरेको हो ।

विन्दुकुमारी यादवको गत भदौमा निधन भएपछि उनको स्थानमा जसपाले यादवलाई सिफारिस गर्ने निर्णय गरेको कार्यकारिणी सदस्य प्रकाश अधिकारीले जानकारी दिए ।

बैठकमा संसद्‌मा रहेका विभिन्न विधेयकहरूबारे पनि छलफल भएको उनको भनाइ छ ।