विराटनगर । अघिल्लोपटक पनि मुख्यमन्त्री उद्धव थापाको शपथ ग्रहण समारोहमा अनुपस्थित भएका एमाले कोसी प्रदेश संसदीय दलका नेता हिक्मत कार्कीले बुधबारको शपथ ग्रहण पनि बहिस्कार गरेका छन् ।

आफ्ना लागि बस्ने कुर्सी नराखिएको भन्दै पूर्वमुख्यमन्त्रीसमेत रहेका कार्की समारोहबाट निस्किएका हुन् ।

“निवर्तमान मुख्यमन्त्रीका लागि कुर्सी राखिएको हुन्छ । तर प्रदेश प्रमुखले राख्नुभएनछ,” कार्कीले भने ।

बुधबार अपराह्नका लागि प्रदेश प्रमुखको कार्यालयमा मुख्यमन्त्री उद्धव थापासहितका मन्त्रीहरूको शपथ ग्रहण कार्यक्रम राखिएको थियो ।

चार दलको समर्थनमा नेपाली कांग्रेसका थापा मुख्यमन्त्री बनेका हुन् ।