काठमाडौं । राष्ट्रिय प्रजातन्त्र पार्टी (राप्रपा)ले आयोजना गरेको कार्यक्रमबाट प्रहरीले चारजनालाई पक्राउ गरेको छ । 

मंगलबार काठमाडौंको बल्खुमा राप्रपाको खबरदारीसभामा घुसपैठ भएको भन्दै उनीहरूलाई प्रहरीले पक्राउ गरेको हो ।

पक्राउ पर्नेमा रामेछापको मन्थली-४ का १८ वर्षीय सुवास खड्का, नवलपरासी हर्कपुर-४ का २७ वर्षीय रन्जित क्षेत्री, दाङ घोराही-४ का भरत वली र धादिङको रुबी भ्याली-४ का ३० वर्षीय रमेश लामा छन् ।

उनीहरूलाई प्रहरीले सोधपुछका लागि नियन्त्रणमा लिएको हो । कुनै पार्टीमा आबद्ध नभएको खुलेपछि उनीहरूलाई छाड्ने तयारी भएको प्रहरीले जनाएको छ ।