site stats
बाह्रखरी :: Baahrakhari
देश
Global Ime bankGlobal Ime bank
काठमाडौं महानगर जाँदै प्रमुख प्रशासकीय अधिकृत सरोज गुरागाईं 

काठमाडौं । काठमाडौं महानगरपालिकाका प्रमुख प्रशासकीय अधिकृत सरोज गुरागाईं आज (चैत २१) कार्यालय जाने भएका छन । महानगरका प्रवक्ता नवीन मानन्धरले प्रमुख प्रशासकीय अधिकृत कार्यालय आउने बताए ।

“अहिले ११ बजे महानगरमा आउँदै हुनुहुन्छ । तर, कार्यकक्षमा छिर्न पाउनुहुन्छ कि हुन्न थाहा छैन । मेयरको काम महानगर मिलाउने हो, वडाध्यक्षको काम वडा मिलाउने हो,” मानन्धरले बाह्रखरीसित भने ।

गुरागाईं ०८१ पुस १४ गतेदेखि निलम्बनमा छन् । महानगरका मेयर बालेन्द्र शाह (बालेन)ले उनलाई निलम्बन गरेका हुन् ।

काठमाडौं टावर १२ तलाको बनाउने भनिएको थियो । तर, त्यसलाई १९ तलाको बनाउन स्वीकृति दिएको आरोपमा गुरागाईंलाई कार्यालयमा उपस्थित हुन रोक लगाइएको छ ।

महानगरले गुरागाईंमाथि छानबिन गर्न तीन समिति बनाएको थियो । तर, संघीय मामिला तथा सामान्य प्रशासन मन्त्रालयले गुरागाईंलाई नै काम गर्ने वातावरण मिलाउन निर्देशन दिँदै आएको छ ।

सोही निर्देशनबमोजिम गुरागाईं कार्यालयमा जान लागेका मन्त्रालयका प्रवक्ता कालीप्रसाद पराजुलीले बताए । “हिजोदेखि कार्यालयमा जाने कुरा थियो, अब आज जानुहुन्छ होला,” उनले भने ।
 

प्रकाशित मिति: बिहीबार, चैत २१, २०८१  ११:०६
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
गुरुहरूको गरिमा नगुमोस् !
गुरुहरूको गरिमा नगुमोस् !
Hamro patroHamro patro