site stats
बाह्रखरी :: Baahrakhari
विदेश
Global Ime bankGlobal Ime bank
थप एक लाख ६० हजार युवालाई सेनामा भर्ना गर्न पुटिनको निर्देशन

काठमाडौं । रुसी राष्ट्रपति भ्लादिमिर पुटिनले १८ देखि ३० वर्ष उमेर समूहका एक लाख ६० हजार रुसी युवालाई सेनामा भर्ना गर्न निर्देशन दिएका छन् ।

बीबीसीका अनुसार, सन् २०११ पछिको यो रुसको सबैभन्दा ठूलो सैन्य भर्ना हो । यस कदमले रुसले आफ्नो सैन्य संख्या बढाउने तयारी गरेको संकेत दिएको बीबीसीको समाचारमा उल्लेख छ ।

रुसले आफ्नो कुल सैन्य संख्या २.३९ मिलियन र सक्रिय सैनिक संख्या १.५ मिलियनसम्म बढाउनुपर्ने भनेको केही महिनापछि पुटिनको निर्देशन आएको हो । यो योजनाअनुसार आगामी तीन वर्षमा एक लाख ८० हजार सैन्य बल बढ्ने बताइएको छ ।

रुसी सेनाका उपएडमिरल भ्लादिमिर त्सिम्लियान्स्कीका अनुसार, नयाँ भर्ना भएका युवालाई युक्रेन युद्धमा पठाइने छैन ।

रुसले वसन्त र शरद गरी दुई सिजनमा अनिवार्य सैन्य भर्ना गर्छ । तर, यो सैन्य भर्ना २०२४ को तुलनामा १० हजारले बढी हो ।

गत वर्षको सुरुदेखि नै भर्नाका लागि उपलब्ध युवाको संख्या बढाउन अधिकतम उमेर सीमा २७ बाट ३० वर्ष बनाइएको थियो ।


 

प्रकाशित मिति: बुधबार, चैत २०, २०८१  १०:०६
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
गुरुहरूको गरिमा नगुमोस् !
गुरुहरूको गरिमा नगुमोस् !
Hamro patroHamro patro