काठमाडौं । शिक्षा, विज्ञान तथा प्रविधिमन्त्री विद्या भट्टराईको स्वास्थ्य अवस्था सुधारोन्मुख छ । उनी काठमाडौंको महाराजगन्जस्थित त्रिवि शिक्षण (टिचिङ) अस्पतालमा उपचाररत छिन् ।

उनको घाँटीमा संक्रमण छ । घाँटीको संक्रमणका कारण गएको शुक्रबार (फागुन ९) उनी अस्पताल भर्ना भएकी हुन् ।

घाँटीको संक्रमण क्षयरोग (टीबी)को लक्षण हुन सक्ने देखिएपछि परीक्षण भइरहेको अस्पतालका प्रशासन प्रमुख सरस्वती गरुङले बाह्रखरीसित बताइन् ।

मन्त्री भट्टराईको स्वास्थ्य अवस्था सुधारोन्मुख रहेको उनले जानकारी दिइन् । एनेक्स भवनको ६०२ नम्बर बेडमा राखिएकी उनी खान र भेटघाट गर्न सक्ने अवस्थामा छिन् ।