नयाँदिल्ली । भारतको मणिपुरका मुख्यमन्त्री एन वीरेन सिंहले आफ्नो पदबाट राजीनामा दिएका छन् । आइतबार साँझ उनले राजभवन गएर राज्यपाल अजयकुमार भल्लालाई राजीनामा बुझाएका हुन् ।

मणिपुर हिंसाको झन्डै डेढ वर्षपछि सिंहले राजीनामा दिएका हुन् ।

मुख्यमन्त्रीको कार्यालयमा कार्यरत वीरेन सिंहका स्वकीय सहायक दीपक शिजागुरुमायुमले राजीनामा दिएको पुष्टि गरे । उनले भने, "मुख्यमन्त्री एन वीरेन सिंहले आइतबार साँझ राज्यपाललाई राजीनामा बुझाएका छन् ।"