काठमाडौं । सिद्धार्थ प्रिमियर इन्स्योरेन्सले सेयरधनीलाई हाल कायम चुक्तापुँजीको ३० प्रतिशत नगद लाभांश दिने प्रस्ताव गरेको छ । कम्पनी सञ्चालक समितिको सोमबारको बैठकले कर प्रयाेजनसहित उक्त लाभांश दिने प्रस्ताव गरेको हो ।

उक्त प्रस्ताव नेपाल बिमा प्राधिकरणबाट स्वीकृति भई कम्पनीको आगामी साधारणसभाबाट पारित भएपछि सेयरधनीले लाभांश प्राप्त गर्नेछन् । उक्त बैंठकले २०८०/८१ को वित्तीय विवरण स्वीकृतिका लागि प्राधिकरणमा पेस गर्ने निर्णय पनि गरेको छ ।

हाल कम्पनीको चुक्ता पुँजी दुई अर्ब ८० करोड ६५ लाख ४९ हजार ९०० रुपैयाँ छ ।