काठमाडौं । बैतडीमा हत्या आरोपमा प्रहरीले एक महिलालाई पक्राउ गरेको छ । डिलासैनी गाउँपालिका–२, छेपट्टा डुङरीकी ३० वर्षीया दीपा बोहरालाई सोमबार राति पक्राउ गरिएको प्रहरी प्रधान कार्यालयले जानकारी गराएको छ ।

उनीमाथि छेपट्टा डुङरीकै २३ वर्षीया सुनीता बोहराको हत्या गरेको आरोप छ । सुनीता र दीपा नातामा देउरानी–जेठानी रहेका प्रहरीले जनाएको छ ।

घरायसी विवादमा झै–झगडा हुँदा दीपाले दाउराको चिर्पट प्रहार गर्दा घटनास्थलमै सुनीताको मृत्यु भएको भन्ने सूचनापछि प्रहरी टोली खटिएको थियो ।