लुम्बिनी । रूपन्देही प्रहरीले राजस्व छली गरेर ल्याइएको साढे २९ तोला सुनसहित दुई जनालाई नियन्त्रणमा लिएको छ । जिल्ला प्रहरी कार्यालय रूपन्देहीका अनुसार, सोमबार राति १० बजेतिर पश्चिमबाट पूर्व जाँदै गरेको लु२ख ६५४२ नम्बरको बसमा खानतलासी गर्दा साढे ४९ लाख रुपैयाँ बराबरको सुन बरामद गरिएको हो ।

जिल्ला प्रहरी कार्यालय रूपन्देहीका सूचना अधिकारी, प्रहरी नायब उपरीक्षक लक्ष्मी खनालले गोप्य सूचनाको आधारमा इलाका प्रहरी कार्यालय बुटवल र वडा प्रहरी कार्यालय बुटवलको संयुक्त टोलीले बसका सहचालक कपिलवस्तुको वाणगंगा नगरपालिका–८ का ३३ वर्षीय अकबर अलि मियालाई सुनसहित पक्राउ गरिएको हो ।

बुटवल उपमहानगरपालिका–८ रामनगरस्थित पूर्व–पश्चिम राजमार्गमा बस रोकेर खानतलासी गर्दा मियाले दायाँ खुट्टाको जुत्ताभित्र खैरो रातो बुट्टे लेडिज ब्यागमा लुकाएको अवस्थामा बिस्कुट आकारको दुई थान सुन बरामद भएको खनालले जानकारी दिP ।

सुनको बजार मूल्य ४९ लाख ५४ हजार ८१७ रहेको रहेको प्रहरीले जनाएको छ । प्रहरीले मियासहित अर्घाखाँची सुनचाँदी पसलका सञ्चालक सन्तोष सुनारसमेतलाई पक्राउ गरेको छ । थप अनुसन्धानको लागि उनीहरूलाई राजस्व अनुसन्धान कार्यालय बुटवल पठाइएको प्रहरी नायब उपरीक्षक खनालले बताए । रासस