काठमाडौं । बाँकेको नेपालगञ्ज उपमहानगरपालिका–४, बसपार्कस्थित होटेलमा जुवातास खेलिरहेको अवस्थामा १२ जना पक्राउ परेका छन् । 

दैलेखको आठबीस नगरपालिका–८ बस्ने २८ वर्षीय मानबहादुर सिजापतीको हाम्रो कर्णाली होटेलमा जुवातास खेलिरहेको अवस्थामा उनीहरू पक्राउ परेका हुन् ।

नेपालगञ्ज उपमहानगरपालिका–२ बस्ने ४४ वर्षीय भीमबहादुर बम समेत १२ जनालाई सोमबार राति प्रहरीले पक्राउ गरेको छ ।  

अस्थायी प्रहरी पोष्ट बसपार्कबाट खटिएको प्रहरीले उनीहरूलाई नगद ७३ हजार १४० नेपाली रूपैयाँ, आठ हजार ६ सय भारतीय रूपैयाँ र एक बुक ताससहित पक्राउ गरेको जनाइएको छ ।