काठमाडौं । नेपाली विद्यार्थीले विदेशमा पढ्न २८ अर्ब बढी मुद्रा लगेका छन् । चालु आर्थिक वर्ष २०८१/०८२ को पहिलो दुई महिना नेपालबाट विदेश पढ्न जाने विद्यार्थीले २८ अर्ब १६ करोड लगेका हुन् ।

नेपाल राष्ट्र बैंकको पछिल्लो तथ्यांकअनुसार शिक्षामा २८ अर्ब १६ करोड रुपैयाँ विदेशिएको छ । अघिल्लो आर्थिक वर्षको दुई महिनामा शिक्षामा २३ अर्ब ३३ करोड विदेशिएको थियो ।

यस्तै, साउन र भदौमा सेवा आय २८ अर्ब २० करोडले घाटामा गएको छ । अघिल्लो वर्षको सोही अवधिमा २५ अर्ब २३ करोड घाटामा थियो ।