काठमाडौं । जुम्लामा बिहीबार दिउँसो भारी वर्षा भएको छ । जुम्लाको डाँफेलेक र आसपासको क्षेत्रमा भारी वर्षा भएको जल तथा मौसम विज्ञान विभागले जानकारी गराएको छ ।

उक्त क्षेत्रमा थप वर्षा हुन सक्ने सम्भावना छ । नदीमा जलसतह बढ्ने र कमजोर तथा भिरालो जमिनमा पहिरोको जोखिम रहने भन्दै विभागले सतर्कता अपनाउन सचेत गराएको छ ।

“भाद्र १३, दिउँसो ३ः३० बजे । पछिल्लो एक घण्टामा जुम्लाको डाँफेलेक वर्षामापन केन्द्रमा र आसपासको क्षेत्रमा भारी वर्षा भइरहेको र थप वर्षा हुन सक्ने सम्भावना रहेको हुँदा सो क्षेत्र भई बहने तिला नदी, चौदबिसे खोला र अन्य स–साना नदीहरूमा जलसतह केही बढ्न सक्ने र कमजोर तथा भिरालो जमिनमा पहिरोको जोखिम रहेकाले सतर्कता अपनाऔँ,” विभागको सूचनामा उल्लेख छ ।