काठमाडौं । ललितपुरस्थित पाटनमा यल पञ्चदान पर्व मनाइँदै छ । बुद्ध धर्मालम्बीहरूले मनाउने यो पर्व हरेक वर्ष श्रवण शुक्ल अष्टमीको दिन मनाउने गर्दछ । यस दिन पाटनका विहार र घरमा रहेको दिपांकर बुद्ध दर्शनको लागि बाहिर निकाल्ने गरिन्छ । पञ्चदान दिन दैनिक जीवनमा आवश्यक पर्ने चामल, धान, नुन, दल र फलफूलसँगै पैसा दान गर्ने गरिन्छ । आजकाल आफ्नो इच्छा र क्षमताअनुसार अन्य सामान पनि दान गर्ने गरिएको छ । आज शाक्य र बज्राचार्यहरू घर घरमा गई दान लिने चलन छ । त्यस्तै, काठमाडौं, भक्तपुर, ठिमी, बनेपा, पनौती र कीर्तिपुरमा भाद्र कृष्ण त्रयोदशीका दिन पञ्चदान मनाउने गरिन्छ ।