काठमाडौं । काठमाडौंको गोकर्णेश्वर नगरपालिका–८, बेँसीगाउँमा तास खेलिरहेका ६ जनालाई प्रहरीले पक्राउ गरेको छ । पक्राउ पर्नेमा सिन्धुपाल्चोकको हेलम्बु गाउँपालिका–२ का ३० वर्षीय निमा लामासहितका व्यक्ति छन् ।

उक्त स्थानस्थित लामाको खाजाघरमा जुवातास खेलिरहेको अवस्थामा शुक्रबार (हिजो) साँझ उनीहरूलाई पक्राउ गरिएको प्रहरीले जनाएको छ ।

नगद ३६ हजार २६० रुपैयाँ र तीन बुक ताससहित उनीहरूलाई नियन्त्रणमा लिइएको प्रहरी प्रधान कार्यालयले जानकारी गराएको छ ।