तेहरान । इजरायलले इरानमाथि मिसाइल आक्रमण गरेको बताए पनि इरान स्वयंले भने यस खालको हमला नभएको जनाएको छ ।

इरानका उच्च अधिकारीहरूले हमला नभएको जनाएका हुन् । इरानी स्पेस एजेन्सीका प्रवक्ता हुसेन दारियलले लेखेका छन्, “इसफहान वा देशका कुनै पनि भागमा विदेशबाट हवाई हमला भएको छैन ।”

उनले भनेका छन् “इजरायलले ड्रोन उडानको नाकाम र अपमानजनक काम गरेको छ । ती ड्रोन झारिएको छ ।” इरानका सरकारी मिडियाले इसफहानमा रहेको परमाणु ठेगानाको भिडियो जारी गर्दै सो स्थान पुरै सुरक्षित भएको समेत जनाएको छ । इरानले हवाई उडानमा लगाइएको प्रतिबन्ध पनि अहिले हटाइसकिएको जनाएको छ ।

इजरायलले इरानमाथि आक्रमण गरेको कुरा अमेरिकी अधिकारीको हवाला दिँदै सार्वजनिक गरिएपछि विश्व बजारमा तेल र सुनको मूल्य बढ्नुका साथै सेयर बजारमा गिरावट समेत आएको थियो । बीबीसी