काठमाडौं । खोटाङको दिक्तेल रुपाकोट मझुवागढी नगरपालिका–११, खार्मीका ३० वर्षीय धनजित राईलाई छुरा प्रहार गरी हत्या गरेको आरोपमा तीनजना पक्राउ परेका छन् । 

जिल्ला प्रहरी कार्यालय खोटाङका अनुसार पक्राउ पर्नेहरूमा दिक्तेल रुपाकोट मझुवागढी–११ का २२ वर्षीय विकास राई, २० वर्षीय आसन राई र २८ वर्षीय गणेश राई छन् । 

गएको शनिबार राति आपसी वादविवादका क्रममा धनजितलाई उनीहरूले शरीरको विभिन्न भागमा छुरा प्रहार गरेर भागेका थिए । छुरा प्रहारबाट घाइते राईको घटनास्थलमा नै मृत्यु भएको थियो । सोमबार बिहान दिक्तेल रुपाकोट मझुवागढी–१० मा लुकेर बसेको अवस्थामा उनीहरूलाई पक्राउ गरिएको जनाइएको छ ।