काठमाडौं । अन्तर्राष्ट्रिय युवा दिवस, नेपालमा पनि विभिन्न कार्यक्रम गरी मनाइएको छ । ‘दिगो विकासको लक्ष्य प्राप्तिमा युवाको साथ : नवप्रवर्तन र उद्यमशीलतामा हरित सिप विकास’ भन्ने नाराका साथ शनिबार अन्तर्राष्ट्रिय युवा दिवस मनाइएको हो । 

दिवसका अवसरमा राष्ट्रिय युवा परिषद्ले काठमाडौंमा मूल समारोहको आयोजना गरेको थियो । कार्यक्रममा युवा तथा खेलकुदमन्त्री डिगबहादुर लिम्बूले देशलाई समृद्धिको दिशातर्फ लैजान युवा तयार हुनुपर्ने बताए ।

उनले मुलुकबाट युवाले खोजेका विषय प्रदान गर्न युवा नीति परिमार्जन गर्न सरकार तयार रहेको बताए । युवालाई उद्यमी बनाउन चालु आर्थिक वर्षलाई युवा उद्यमशिल वर्षमा रुपमा मनाउने उनले जानकारी दिए ।