काठमाडौं । नेपाल दूरसञ्चार प्राधिकरणका पूर्व वरिष्ठ निर्देशक आन्दराज खनालले नेपालमा अझै फाइभजी सेवा विस्तार गर्न उपयुक्त नहुने बताएका छन् । 

शनिबार बाह्रखरी मिडियाले गोकर्ण रिर्साटमा आयोजना गरेको 'एनसेल बाह्रखरी गल्फ र आर्थिक परिसंवाद' कार्यक्रमको थिमेटिक सेसनमा उनले अझै कम्तीमा चार वर्ष फाइभजी सेवाबारे सोच्नसमेत आवश्यक नरहेको बताए । 

"५–६ वर्ष जति मजाले सुते हुन्छ फाइभजीको कुरै नगरे हुन्छ," उनले भने, "नेपाल टेलिकमको उदाहरण दिने हो भने फोरजीमा करिब करिब २०–२२ अर्ब रुपैयाँ एनटीसीले लगानी गरेको छ । २०१७ देखि ६ वर्षको अवधिमा त्यो रकम उठेको छ कि छैन । सञ्चालन खर्च बिर्सिनुदिए हुन्छ ।"

उनले अगाडि थपे, "जुन कुरा रेट अफ रिटनले सर्पोट गर्दैन, फाइनान्सियल इन्टिकेटरले सर्पोट गर्दैन त्यहाँ लगानी गर भन्नुको अर्थ के हो ? मर भनेको हो नि त त्यकारणले अझै पाँच छ वर्ष मजाले सुते हुन्छ ।"